قالوا في البنات:
هذي بنات اليوم برقع وجوال ولا عبايات الكتف هم يلبسوها
والراس فوق الراس طرحه مع الشال حتـى الخصـال الطيبـة افقدوهـا
يوم البنات اللي غـدٍ سبـت اهمـال ويـوم السبايـب اهلهـا هملـوهـا
الأم نامـت والاب صـار تمثـال والبنت راحـت ويـن مـا يسألوهـا
بالليل تسهـر بيـن هاتـف وجـوال والا علـى الشات سهـروهـا
اللبس تلبس كل مـا يطـرب البـال وفلوس لو تنقـص عليهـا عطوهـا
من شافها باللبس يـا ساتـر الحـال يسبهـا ويـسـب مــن خلفـوهـا
عيـون ورمـش قتـال ولما مشـت كـل الشبـاب اتبعوهـا
هم ما دروا لـو البراقـع بتنشـال ونشوف وش تحت البراقـع خفوهـا
وين البنات اللي بهم تضـرب امثـال ليت العلـوم الطيبـة مـا تركوهـا
البنت زين البنـت لا زانـت الحـال ما هـو بلبـس ولا علـوم خذوهـا
وين المراجل ما بقى غيـره ارجـال يليـت الشـوارب واللحـى حلقوهـا
اللي على عاره رضي الـذل ينقـال ليـت الكرامـة ليتهـم يرفعـوهـا
ما عاد ينفـع قـول فيهـا ولا قـال لا الأم والله ولا الأبــو انفعـوهـا
اصبح ضياع البنت بسبـاب جـوال البنت ضاعـت والأهـل ضيعوها
قالوا في الشباب:
البودرة بخدودهم تقل ورنيش
وحطوا باصابعهم خواتم لا لها اسرار
جيل خبظهر كثير منه اناثى لها اذكار
جيل يسمون النشما شواكيش
اهل اللحا بافكارهم مالهم كار
واهل اللحا صبيان نجد المداغيش
اللي لهم فضل على الضيف والجار
يوم السنين اشداد والرزق تشويش
وهم يجوبون الفيافي والاقطار
تلقى الولد مثل الفهر بالمطاريش
على الشدايد حيث ماكان صبار
واليوم كثر الخير والامن والعيش
وقت تساوت فيه الاذرع والاشبار
يظهر شبابه ناعم مابعد هيش
فيه الولد يظهر مثل عشبة الغار
يمشون بالاسواق مثل الدراويش
وليا اذن المؤذن يولون الادبار
ماتسمع الا ايش زييك وقد ايش
ويطرب ليا مادق عود ومزمار
عسى شباب مايجي به نغاميش
يحيا حياة الذل وان مات للنار
..
يث لو يجي فيه تفتيش
7
7
تحـــــيـــــاتـــــي خـــلللللللوووووووود
الإثنين أغسطس 11, 2008 11:48 pm